Әлеге ваҡытта Фондтың төбәк бүлексәһенә дәүләт хеҙмәттәре порталы аша яңы пособие алыу өсөн бөтәһе 35 мең ғариза килгән. Хәтерегеҙгә төшөрәбеҙ, ғаризалар 28 декабрҙә ҡабул ителә башланы, 4 ғинуарҙа ата-әсәләрҙең мөрәжәғәттәрен Социаль фондтың клиент хеҙмәттәре лә ҡабул итте.
«Ғаризаларҙы ҡарау 3 ғинуарҙа башланды, хәҙерге ваҡытта 17 йәшкә тиклемге 9 675 балаға түләүҙәр хупланды. Берҙәм пособие тәғәйенләүҙең ғәмәлдәге ваҡытын иҫәпкә алып, ғаиләләр тәүге түләүҙе аҙна аҙағынаса алырға тейеш. Аҡса документ тултырғанда күрһәтелгән иҫәпкә күсерелә. Шулай уҡ 143 йөклө ҡатын-ҡыҙҙың ғаризаһы буйынса ыңғай ҡарар сығарылды», – тип белдерҙеләр Рәсәй Социаль фондының Башҡортостан бүлексәһенең матбуғат хеҙмәтендә.
Сығанаҡ: «Башинформ».