Өфөнөң Граждандарҙы яҡлау идараһынан хәбәр итеүҙәренсә, урынға ҡотҡарыусылар, психолог, шулай уҡ полиция килгән. 6 йәшлек малайҙың икенсе тәүлек өйҙә яңғыҙы булыуы асыҡланған. Әсәһе менән элемтәгә сыға алмағандар. Әммә әлеге фатирҙы ҡуртымға биреүсе хужа тиҙ арала килеп, ишекте асҡан.
Малайға медицина ярҙамы кәрәкмәгән, уны полиция хеҙмәткәрҙәренә тапшырғандар. Эске эштәр министрлығында белдереүҙәренсә, баланы әлегә атаһы үҙенә алған, әсәһенә ҡарата тикшереү үткәреләсәк.