Башҡортостан Башлығы журналистар менән осрашты

«Күптән өлгөрөп еткән мөһим ҡарарҙарҙың береһе, — Матбуғат йортон ремонтлайбыҙ. Тейешле йөкләмә бирҙем. Типографияны артабан үҫтереү мәсьәләһе бар — киләһе «Инвестиция сәғәте»ндә ошо хаҡта һөйләшербеҙ»,  — тип яҙҙы Радий Хәбиров үҙенең телеграм-каналында.

Республика етәксеһе журналистарға «еңел булмаған, әммә бик мөһим эш — халыҡҡа республикала һәм илдә барған ваҡиғалар тураһында ғәҙел мәғлүмәт еткергән» өсөн рәхмәт әйтте.

«Был телефонға кассеталы бомба ярсығы эләккән. Үҙ теләге менән махсус хәрби операцияға киткән «Юлдаш» радиоһы хәбәрсеһе Бәйтулла Фәтҡуллиндыҡы ул. Бәйтулланың ҡулы яраланған. Әле ул госпиталдә дауалана, яуға ынтыла, — тип хәбәр итте Радий Хәбиров. — Бөгөн журналистарыбыҙ Ватанды һаҡлай. Берәүҙәр ҡулдарына ҡорал тотоп, алғы һыҙыҡта һуғыша. Башҡалар, хәрби хәбәрселәр һәм бындағылар махсус хәрби операция тураһында дөрөҫөн һөйләй, мәғлүмәт һуғышында оборона тота».

https://bash.bashinform.ru/news/social/2024-01-23/bash-ortostan-bashly-y-f-n-matbu-at-yorton-remontlar-a-ushty-3614294