Дим Мәннәнгә «Башҡортостандың халыҡ артисы» исеме бирелде

Ошондай уҡ исем менән үлгәндән һуң «Дәрүишхан» төркөмөн ойоштороусы Ғәзинур Биктимеров, шулай уҡ төркөмдөң хәҙерге  лидеры Альберт Ғәббәсов наградаланды. Указға Башҡортостан Башлығы Радий Хәбиров ҡул ҡуйған. «БР-ҙың атҡаҙанған артисы» һәм «БР-ҙың атҡаҙанған мәҙәниәт эшмәкәре» званиелары йырсылар Ринат Зариповҡа һәм Юлай Асҡаровҡа, Хәйбулла районы Маҡан ауылының мәҙәниәт йорто хеҙмәткәре Сергей Захаровҡа тапшырылды.  

1990 йылдарҙа Дим Мәннән «Дәрүишхан» төркөмө солисы булараҡ танылыу яулай. Төркөм иһә башҡорт эстрадаһында иң популяр коллективтарҙың береһе була. Дим Мәннән (Ҡоләхмәтов) 2005 йылда 35 йәшендә ҡапыл вафат булғас, «Дәрүишхан» төркөмө тарҡала.