+30 °С
Болотло
Яңылыҡтар
7 Август 2025, 06:45
Ишле ғаиләлә 11-се сабый тыуған
Көйөргәҙе районының Ермолаевка ауылынан Абдуллиндарҙың тағы бер ҡыҙы тыуған. Хәҙер Фаягөл менән Илгиздең ғаиләһендә дүрт ул һәм ете ҡыҙ тәрбиәләнә.
Ишле ғаиләлә 11-се сабый тыуған
Республиканың ғаилә, хеҙмәт һәм халыҡты социаль яҡлау министры Ленара Иванова ҡыуаныслы яңылыҡ менән уртаҡлашты.
Фаягөл Фаил ҡыҙы күптән түгел «Герой-әсә» тигән маҡтаулы исемгә лайыҡ булды. Күп балалы әсә республикабыҙҙа һигеҙенселәрҙән булып ошо абруйлы награда менән бүләкләнде.
Абдуллиндар ғаиләһендә балалар наҙ-һөйөүгә солғанып йәшәй. Өлкән балалары инде үҫеп еткән, ә етәүһе ата-әсә йортонда. Балалар яҡшы уҡый, түңәрәктәргә һәм спорт секцияларына йөрөй, конкурстарҙа һәм ярыштарҙа еңеү яулай. Ата-әсә уларҙы сәләмәт йәшәү рәүешенә, спортҡа ылыҡтыра, яуаплылыҡ, маҡсатҡа ынтылыш тәрбиәләй. Ғаилә ауылдың йәмәғәт тормошонда ла әүҙем ҡатнаша.
«Абдуллиндар ғаиләһен ҡыҙҙары тыуыуы менән ҡотлайбыҙ! Ҡыҙсыҡ һау-сәләмәт булһын, ә өйҙә балаларҙың шат тауышы яңғырап торһон», — тигән изге теләктәрен еткерҙе Ленара Иванова.
https://bash.bashinform.ru/news/Longrid/2025-08-06/bash-ortostanda-ishle-ail-l-11-se-sabyy-tyu-an-4340437
