-4 °С
Болотло
Бөтә яңылыҡтар
Яңылыҡтар
26 Февраль , 10:25
Черниковскиҙың баш архитекторына һәйкәл
Өфөлә талантлы архитектор Маргарита Куприяноваға күптән көтөлгән һәйкәл асылды. Ҡала башлығы Ратмир Мәүлиев әйтеүенсә, уның эшен һәм ҡалаһын яратыуы үҙенән һуң юйылмаҫлыҡ эҙ ҡалдырҙы. Һуғыштан һуңғы ауыр йылдарҙа, Черниковск ҡалаһының баш архитекторы булып эш башлаған, 30 йәшлек Маргарита Николаевна үҙ эшен бар күңелен һалып башҡарған. Беренсе Май урамы, һигеҙ ҡатлы йорттар, уңайлы ихаталар, уйланылған төҙөлөш, Еңеү паркы – былар барыһы ла уның мираҫы.
Черниковскиҙың баш архитекторына һәйкәл
«Был һәйкәл беҙгә ҡаланы кешеләр төҙөүе тураһында хәтерләтеп торһон, – тип яҙҙы ҡала башлығы. – Үҙенең хеҙмәте, таланты һәм Өфөгә булған һөйөүе менән ҡалабыҙҙы күркәмләндереүгә көс һалған һәр кемгә ысын күңелдән рәхмәт!».
Хәтерегеҙгә төшөрәбеҙ, был донъяла ҡатын-ҡыҙ архитекторға беренсе һәйкәл булып тора. Проект менән Башҡортостандың атҡаҙанған архитекторы Дмитрий Винкельман таныштырҙы. Һәйкәлдең эш моделен Рәсәйҙең атҡаҙанған рәссамы Хәниф Хәбибрахманов күрһәтте.
Фото: i-gazeta.com
https://bash.bashinform.ru/news/
Новости партнеров