+17 °С
Болотло
Бөтә яңылыҡтар
Шиғырҙар
2 Июль 2018, 11:50
Марат КӘРИМОВ. ҺАЙЛАЙБЫҘ
Эштәребеҙ бер ҙә бармай,Артҡа китә хужалыҡ.Бына нисә йылдар индеНыҡ йонсотто нужалыҡ.
Марат КӘРИМОВ
ҺАЙЛАРБЫҘ
Эштәребеҙ бер ҙә бармай,
Артҡа китә хужалыҡ.
Бына нисә йылдар инде
Ныҡ йонсотто нужалыҡ.
Етәксенән дә уңманыҡ,
Күберәк ул ғәйепле.
Эшләпә кейеп йөрөгәс,
Күренгән ине ипле.
Ҡайҙа унда иплелек тә,
Ҡайҙа эшкә тоғролоҡ!
Бар белгәне, бар шөғөлө
Уғрылыҡ та уғрылыҡ.
Уға алмашҡа берәү бар,
Күрһәк, күңелдәр ирей,
Аҡыллылыр, белемлелер,
Гел бүрек кейеп йөрөй.
Уйлап ҡына ҡалманыҡ беҙ,
Эшебеҙҙе яйланыҡ:
Эшләпәлене ҡыуҙыҡ та
Бүреклене һайланыҡ.
Инде рәхәт тын алырбыҙ
Тормошобоҙ муллыҡтан.
Ә бүрекле етәксенең
Башы сыҡмай бурлыҡтан.
Эшкинмәгән хужаларҙан
Булмай икән арынып.
Уғрыһынан ҡотолһаҡ та
Бурға килеп тарыныҡ.
Тағы берәүҙе таптыҡ беҙ,
Эҙләй торғас өҙлөкһөҙ,
Тегеләргә оҡшамаған –
Эшләпәһеҙ, бүрекһеҙ.
Беҙгә етәксе бул, тиһәк,
Һүҙебеҙҙе йыҡмаҫмы?
Һайлауын беҙ һайларбыҙ ҙа,
Ҡараҡ булып сыҡмаҫмы?
---------------------------------------------------
"һәнәк" журналы, № 6, 2018 йыл.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60