-29 °С
Болотло
75 лет Победы
Бөтә яңылыҡтар
Шиғырҙар
2 Июль 2018, 14:26

Ринат СӨЛӘЙМӘНОВ. КАННИБАЛ

Әхлаҡи етешһеҙлек – Йыртҡыслыҡҡа бер аҙым...

КАННИБАЛ


Күргәнем бар һағыҙаҡ

Себенде тамаҡлауын.

Бөжәк бөжәкте ашай,

Шул хаҡта аныҡлауым.


Бөжәктәр тормошонан

Алыҫмы ни аралар?

Бер-береһен кешеләр

Ашап алып баралар.


Мин тамаҡты әйтмәйем,

(Белмәй тимә саманы).

Аслыҡ ваҡытымы ни?

Рухи аслыҡ заманы.


Әхлаҡи етешһеҙлек –

Йыртҡыслыҡҡа бер аҙым.

Шулай ғына тиһеңме?..

Йәшерәйем бер аҙын.


Замана һандуғасын

Түгел хатта танырлыҡ.

Был тәү осҡон, етеүгә

Әхлаҡи каннибаллыҡ.


Ринат СӨЛӘЙМӘНОВ.


---------------------------------------------------

"һәнәк" журналы, № 6, 2018 йыл.
Читайте нас в