-5 °С
Ҡар
Бөтә яңылыҡтар
Шиғырҙар
14 Август 2018, 17:05
Фәүҡәт ҠОТЛОШИН. Элек һәм хәҙер. "Һәнәк" № 7.
Ғәҙәт китте – туйҙа ата-әсәЙөҙәр меңде һала бүләккә.Ҡайҙа беҙгә туйҙа ундай бүләк,Бер ҡуй ярай әле эләкһә.
ЭЛЕК ҺӘМ ХӘҘЕР
Затлы лимузиндар, мерседестар
Булманы шул беҙ йәш саҡтарҙа.
Туйҙар үтте гөрләп, ҡыңғыраулы
Дуға, кашауайлы аттарҙа.
Ресторандар ҡайҙа?.. Үтте туйҙар
Һалам башлы кескәй өйҙәрҙә.
Хәҙер туйҙа гармун тауыштары,
Ишетелмәй беҙҙең көйҙәр ҙә.
Һөйгән балам туйы, аҡса тиеп
Кемдәр аҡтыҡ малын һуялар.
Туйға аҡса кәрәк, тип егеттәр
Себер тарафына шылалар.
Ғәҙәт китте – туйҙа ата-әсә
Йөҙәр меңде һала бүләккә.
Ҡайҙа беҙгә туйҙа ундай бүләк,
Бер ҡуй ярай әле эләкһә.
Йөҙәр меңдәр нәмә, машиналар,
Фатирын да бүләк итәләр.
Туйҙа төшкән аҡсаларҙы услап
Йәштәр Египетҡа китәләр.
Видеолар төшкә инмәне лә,
Бергә төшкән юҡ бит фотолар.
Туйҙа хәҙер салют булып оса
Ата-әсә тапҡан аҡсалар.
Лимузиндан төшөп, ҡайһы берҙәр
Елкәһендә атай-әсәйҙең.
Тәрбиә етмәгән был йәштәргә
Атай-әсәй түҙә, нишләйһең.
Һандар һөйләй: айырылыу икән
Ҡауышыуҙың теүәл яртыһы.
Йәштәр был тормошҡа әҙер түгел
Эсмәгәнгә нужа һурпаһы.
Үкендермәй туйҙа сығымдар ҙа,
Айырылыуҙан юҡ ғәрләнеү.
Атай-әсәй малы йәлме, улар
Ғәфү итер, булмаҫ әрләнеү.
Айырылыу арҡаһында илдә
Үҫә күпме үкһеҙ етемдәр.
Ҡоштар, хайуандар үҙ балаһын
Ташлап китмәй, итмәй етемдәр.
Бала тапһаң, дәүләт аҡса түләй,
Халыҡ һанын кәрәк арттырыу.
Элек унар бала тапһалар ҙа
Ҡайҙа ти ул аҡса таптырыу.
Аҡса тиеп, эскән ҡатындар ҙа
Иргә бармай бала табалар.
Хаҡ тәрбиә бирә белмәһә лә
Дәүләт аҡсаларын һауалар.
Унар бала бер-береһенең бит
Кейемдәрен кейеп үҫкәндәр.
Ҡатыҡ-икмәк төйөп, иҫке кейеп
Бына тигән кеше иткәндәр.
Өйләнгәндә затлы кейемдәр ҙә,
Булманы шул алтын балдаҡтар.
Тоғро булдыҡ биргән вәғәҙәгә
Еңәлмәне ошаҡ, алдаҡтар.
Мөхәббәткә һәм дә был тормошҡа
Һин булмаһаң яҡшы ҡарашта.
Бәхет булмаҫ туйҙар үткәрһәң дә
Кәрәк биш ҡатлы һин карапта.
Беҙ күргәнде һеҙ ҙә күрегеҙ тип,
Юҡ, йәштәрем, һеҙгә теләгем.
Арағыҙҙа һеҙҙең яҡшылар күп,
Һабаҡ бирә бары йөрәгем.
Ғүмер итеү – түгел ялан үтеү,
Йәштәр, һеҙгә әйтер һүҙебеҙ.
Ғүмер ҡыҫҡа, йәмен ебәрмәгеҙ,
Һөйөү ҡәҙерҙәрен белегеҙ.
Үпкәләмәгеҙ, йәштәр, һәр дәүерҙең
Заманаһы, бәлки, шулайҙыр.
Үткәндәрҙе белмәгәндең бит ул
Киләсәге, тиҙәр, булмайҙыр.
Фәүҡәт ҠОТЛОШИН.
Стәрлебаш районы,
Иҫке Ҡалҡаш ауылы.
-----------------------------------------------
"һәнәк" журналы, № 7, 2018 йыл.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60