-3 °С
Болотло
Бөтә яңылыҡтар
Шиғырҙар
16 Август 2018, 13:09

Шиғырхана. Кәбир АҠБАШ, Камил ФАЗЛЫЙ Һәнәк, № 7.

Кәбир АҠБАШ:...Күрәҙәсе Дифа апайГел дөрөҫөн әйтә, ти.Бик күп кеше уға килепРәхмәт әйтеп китә, ти...Камил ФАЗЛЫЙ: Ҡайһы бер китапты асһаң,Алданып ҡуя башҡай.Тышы күркәм, эсе ҡыҫыр –Алмаһыҙ алмағастай.

ШЫҒЫРХАНА





Кәбир АҠБАШ


САРАФАН ТЕЛЕФОНЫ

(Шаярып)

Күрәҙәсе Дифа апай

Гел дөрөҫөн әйтә, ти.

Бик күп кеше уға килеп

Рәхмәт әйтеп китә, ти.


Ҡаланан да берәү килгән

Игеҙәктәр таптым, тип,

Береһе көлә, тегеһе илай,

Мин бәләгә ҡаптым, тип.


Дифа апай әйткән уға:

– Ҡолай күрмә дивандан:

Уның береһе бит Имандан,

Икенсеһе – Ивандан.


Өс йыл балабыҙ юҡ, тиеп

Рәйхан да уға барған.

Дифа:

– Күршең иҫән булһа,

Ҡайғырма, – тип ҡайтарған.


Тағы ла әйтсе:

– Бәғзе әҙиптең

Затлы исеме юҡ, төҫө лә.

– Сөнки улар, – тигән Дифа, –

Йәшәмәй бит Өфөлә…


Күрше, һин күп беләһең,

Хатта иҫәпһеҙ һаны.

– Сөнки миндә, – тигән Дифа, –

Сарафан телефоны.






Камил ФАЗЛЫЙ




БЕР ЙӘН

Улы менән килененә

Алғас туйлы никах ҡылып,

Әйтте әсә: – Көн күрегеҙ

Бынан ары бер йән булып,

Йәшлектәге мөхәббәттең

Ҡабатланмаҫ наҙын белеп!

– Бер йән булып йәшәр­беҙ! – тип,

Һүҙ бирҙеләр йәштәр, көлөп.

Эшкә киткән килен кеше

Икенсе көн, тороп таңдан.

Шаршау ситен асһа әсә,

Улы яңғыҙ – йоҡлап ҡалған.

Төрткөләп уята улын:

– Ятма йоҡлап, эшләр сағың!

– Ярты йәнем эштә, әсәй,

Отпускыла… ярты йәнем.

***

– Ник кешеләр үткән быуатта

Күпләп гәзит алдырҙылар?

– Туалет ҡағыҙы юҡ ине,

Бәҙрәфтәрҙә ҡалдырҙылар.

***

Ҡайһы бер китапты асһаң,

Алданып ҡуя башҡай.

Тышы күркәм, эсе ҡыҫыр –

Алмаһыҙ алмағастай.


БОҘБАРМАҠ

Үҫештең дә төрлөһө бар,

Кемдәргә нисек төшә:

Берәү – юғары, берәүҙәр

Түбәнгә ҡарап үҫә.

Кире ҡағырға ашыҡма:

(Ни сыҡһа – һинән, харап.

Боҙмарбаҡ ҡына үҫә, – тип, –

Баштүбән аҫҡа ҡарап).


Бар түгелме кешеләрҙең

Боҙбармаҡ булғандары,

Түрә алдында баш эйеп,

Үҫкеләй торғандары?!


Билен бөгөп аҫҡа ҡарар,

Һәр һүҙе: «Ярар, ярар…»

Тыңлаулы бит, «зам»ы итте,

Сығарып түрә ҡарар.


«Зам»дың йөгөн тарталманы,

«Үҫте», тик эштә – ебек.

Ебектәрҙе нимә көтһөн –

Осто боҙбармаҡ кеүек.


ХӘҮЕФЛЕ БӘХӘС

Халыҡ дингә күсеп бара,

Бының – кире ғәҙәте:

– Алла юҡ! – тип төштө ҡаршы,

Быҫҡылдатып тәмәке;

– Һалмағыҙ, – ти, – кешелекте

Уйҙырмалы ғазапҡа!

Әйткән саҡта аяҡ тибеп,

Баҫты ҡуйҙы ҡаҙаҡҡа.

Ауыртыуына түҙәлмәй,

Төрләнде был биштәргә.

– Ҡайҙа врач? – ти, – саҡыртығыҙ!

– Эй, Аллаһым, нишләргә?!


Читайте нас: