+18 °С
Болотло
Бөтә яңылыҡтар
Шиғырҙар
22 Апрель 2019, 17:15

“СЕРЛЕ ТАУАР”

Киткән ҡала баҙарына Хужа бер саҡ, Ниәт иткән булып унда көршәк һатмаҡ. Тик, ишәге өркөп юлда, ауған йөгө, Ҡалған балсыҡ көршәктәрҙән бары онтаҡ.


Киткән ҡала баҙарына Хужа бер саҡ,
Ниәт иткән булып унда көршәк һатмаҡ.
Тик, ишәге өркөп юлда, ауған йөгө,
Ҡалған балсыҡ көршәктәрҙән бары онтаҡ.


Хужамы һуң көйәләнә торған әҙәм –
Онтаҡтарҙы ул тағы ла ваҡлап, иҙгән,
Һәм, тултырып берәр услап муҡсайҙарға,
“Ҡомаҡтарға ағыу” тигән ярлыҡ элгән.


Ҡыҙған сауҙа: сират булған һыу буйылай.
Хужаның, ти, янсығына аҡса һыймай.
Көршәктән дә яҡшы үткән “серле тауар” –
Алалар, ти, хаҡын, шартын ҡарап тормай.


Муҡсайҙарҙың иң һуңғыһы инде ҡалғас,
Пәйҙә булған төпсөнөүсән генә ҡартлас.
– Быны нисек ҡулланырға? – тип һораған. –
Ҡомаҡтар бит ят нәмәне ашай һалмаҫ...


– Оҙаҡ йәшәй алмай улар, һуҡырайһа…
Шуға һип һин күҙҙәренә, тотоп ал да.
– Тота алһам, мин муйынын борор инем!
– Эйе, була улайтһаң да, былайтһаң да...
Читайте нас: