+24 °С
Болотло
Бөтә яңылыҡтар
Шиғырҙар
19 Сентябрь 2021, 07:00

Миләүшә ҠАҺАРМАНОВА “Әрләй ирем...”

*** Әрләй ирем, уйлағаның – Мунсаҡ та балдаҡ, ти. Һөйләгәнең – әкиәт, Уйҙырма-алдаҡ, ти.

Миләүшә ҠАҺАРМАНОВА “Әрләй ирем...”
Миләүшә ҠАҺАРМАНОВА “Әрләй ирем...”

Яңы күлдәк, ялтыр туфли,

Тәтәй сумка – башыңда.

Буялған бөҙрә сәсәтәрең

Йөҙөп йөрөй ашыңда.

 

Маникюрға, педикюрға

Туҙҙыраһың аҡсаны.

Ҡасан утағаның булды

Ҡый ҡоторған баҡсаны?

 

Шубаң тора ат хаҡылай!

Кейемдәрең – өй тулы!

Аҡса һорап ҡына ҡара,

Кейем, тиеп, был юлы!

 

Әрләй ирем: Иртән тороп

Өс сәғәт биҙәнгәнсә,

Йыуып сығып була өйҙө,

Түбәнән иҙәнгәсә.

 

Әрләй ирем: көнө буйы

Ҡарағаның – сериал.

Бынан ары урамда ла

Йәйәү генә йөрөй ал.

 

Машинаға запчасть алам

Һиңә духи алғанса.

Бер хәбәрең дөрөҫ түгел,

Бөтөн һүҙең ялғанса.

 

“Ярай, – тием, тыныс ҡына, –

Булһын, әйҙә, һинеңсә.

Үҙең тотон аҡсаңды ла,

Һынап алып, тиненсә.

 

Тип уйлайым да: ү-се-гәм!

Һөйләшмәйем, көлмәйем.

Эргәһендә уралмайым,

Янына ла килмәйем.

 

Ярты сәғәт үтә шулай,

Йә, ике сәғәт була.

Ҡайһы мәле бындай хәлдәр

Ярты көнгә лә тула.

 

Түҙемлеге бөтә ирҙең:

– Йә инде... ярай инде...

Бер генә ауыҙ һүҙ әйтсе,

Йылмайып ҡара инде.

 

Әйҙә, күлдәк алайыҡ һуң,

Әйҙә, сумка алайыҡ.

Әйҙә, йәнем, икәү генә

Бүлмәбеҙҙә ҡалайыҡ...

 

Мәлен теүәл генә беләм –

Үсегеүем күпкәме.

Тимерҙе лә бөгә ала,

Ҡатындарҙың үпкәһе.

Автор:Миләүшә Ҡаһарманова
Читайте нас: