-15 °С
Болотло
75 лет Победы
Бөтә яңылыҡтар
Шиғырҙар
21 Сентябрь 2021, 18:00

ИМЕШ-МИМЕШ

Имеш-мимеш менән донъя тулған, Мейем туйған ялған хәбәрҙән. Бөгөн төндә Мәскәй әбей миңә: “Мин матур!” - тип сәләм ебәргән.

ИМЕШ-МИМЕШ
ИМЕШ-МИМЕШ

Имеш-мимештәргә ышанмайым:
Эшләй әле башым әҙерәк.
Мәскәй әбей, юҡ-юҡ, миңә түгел,
Ышанғандарға ҡәҙерлерәк.

“Ныҡ теләһәң, ямғыр яуа”, - тиҙәр. -
Был һүҙгә лә мейем ышанмай.
Имеш-мимештәрҙе таратҡандар,
Яратҡандар миңә оҡшамай.

«Беҙҙә тормош ожмах кеүек, - тиҙәр –
Беҙҙә рәхәт, беҙҙә иркенлек”.
Ышаныуы ҡыйын был хәбәргә,
Был хәбәрҙең хаҡы – бер тинлек.

Имеш-мимештәргә иҫем китеп,
Ялған тыңлап йөрөп көн һайын,
Ҡурҡып китәм:
Булған белемемдән,
Аҡылымдан яҙып ҡуймайым.

Фәрүәз СӘЙФУЛЛИН

Автор:Фәрүәз Сәйфуллин
Читайте нас в