+18 °С
Болотло
Бөтә яңылыҡтар
Шиғырҙар
25 Сентябрь 2021, 18:00

ОНОТАМ

Батшалар ҙа үлә, даһиҙар ҙа, Бандиттар ҙа мәңге йәшәмәй. Донъяла беҙ пассажирҙар ғына, Ер шарында Ҡояш тирәләй Әйләнәбеҙ хәлең бөткәнсе, Туҡталышҡа барып еткәнсе.

Туҡталыштар… Иҫәп-хисабы юҡ,
Аҙым һайын юлға теҙелгән.
Һәр кешегә улар исемләнеп
Хоҙай тарафынан төҙөлгән.

Ер әйләнә. Юлым оҙон әле.
Ҡояш мине, ана, йылыта.
Хәтер насар. Туҡталышта шуға
Төшөп ҡалырға, эй, онотам.

 

Фәрүәз СӘЙФУЛЛИН

Автор:Фәрүәз Сәйфуллин
Читайте нас: