-6 °С
Болотло
Бөтә яңылыҡтар
Шиғырҙар
16 Ғинуар 2022, 15:15

Юбиляр

Яҡындары юбилярҙыңТыуған көнөн үткәрәләр,Ҡартайма ла ҡартайма, типБокалдарын күтәрәләр.

Юбиляр
Юбиляр

Ә юбиляр тыңлап-тыңлап
Ултырҙы ла тороп баҫты.
Берәй шаян һүҙ әйтергә
Кәрәклеген тойоп баҫты.

– Телегеҙ ни һөйләгәнде
Әллә инде белмәйһегеҙ,
Ҡартайма ла ҡартайма, тип
Миңә үлем теләйһегеҙ.

Ҡартайыуҙан туҡтай кеше
Уға бары үлем килгәс.
Мин үлергә ашыҡмайым,
Йөҙҙәрем дә әле көләс.

Яңы тост әйтеп, ҡунаҡтар
Хата хаҡын түләнеләр:
Аяҡ баҫып, юбилярға
Оҙо-о-он ғүмер теләнеләр.

 

 

Автор:"ҺӘНӘК" журналы
Читайте нас в