-20 °С
Болотло
75 лет Победы
Бөтә яңылыҡтар
Шиғырҙар
28 Ғинуар , 09:00

Дәрәжә

Камил ФАЗЛЫЙ Тауар алам һатыусынан,Кибет эсенә кереп.Кеҫәм ҡармап, торам түләп,Тимер аҡсалар биреп.

Дәрәжә
Дәрәжә

– Ҡағыҙ аҡсаң юҡмы ни? – ти,
Һатыусы, кофе эсеп.
Хәйерсе бәндә күргәндәй
Ҡараны миңә тишеп.

– Ваҡ аҡсаларыңды һанап,
Килмәй,– ти, – ваҡланаһым.
Кеҫәңдә ел уйнай тороп,
Тауарға ҡапланаһың!

– Эре ни ҙә, ваҡ аҡса ни,
Һумға һум килгәс хаҡы.
Тиндең дә, – тим, – баһаһы бар,
Яҙылған исем-аты.

...Минең арттан торған берәү
Ҙур һумға тауар алды.
Уға баш эйеп, һатыусы,
Хатта, кәпәсен һалды.

...Аҡсаларҙың да баһаһы
Кешегә күсә икән.
Ваҡ аҡса менән түләһәң,
Дәрәжәң төшә икән...

Автор:"ҺӘНӘК" журналы
Читайте нас в