Башҡортостан

Тыйнаҡ ҡыҙҙай күркәм ҡай бер саҡ,

Ә күберәк – батыр, олпат ирҙәй,

Бөтә кеше хайран ҡалырлыҡ.

Матур, хозур, гүзәл тәбиғәтең,

Күҙҙең яуын алған тауҙарың,

Баш осонда ғорур, текә осҡан

Сая бөркөт, ыласындарың.

Болондарың һинең икһеҙ-сикһеҙ,

Яландарың тулы сәскәләр,

Йырып сыҡмаҫ ҡуйы, шыр урманың,

Башаҡтарың – алтын тәңкәләр...

Батыр, ғорур халҡың да бит һинең –

Бөйөктәрҙән бөйөк дан ғына!

Арыу-талыу белмәй көн-төн эшләп,

Еткән үрҙәр – үҙе хазина!

“Берҙәмлектә – көс”, – тип әйҙәй беҙҙе

Республикам алға һәм үргә.

Бергәләшеп, бергә тупланып беҙ,

Әҙербеҙ күп һынауҙар үтергә!

Сөмбөл ЛАСЫНОВА.

Фото: zen.yandex.ru