+17 °С
Дождь
Шиғырҙар
9 Декабря 2022, 07:00
Һыу юлы
Беҙҙең яҡта йәш киленгәҺыу юлын күрһәтәләр,Йәше-ҡарты киленкәйҙеҺынайҙар, күҙәтәләр.
Һыу юлы
Заман башҡа –
заң башҡа шул,
Үҙгәрҙе ошо йола.
Көйәнтә аҫтында ҡыҙҙың
Йәне сығырҙай була.
Ярты юлға етер-етмәҫ
Силәктәр күсә ҡулға.
Кейәү көслө, илтер әле,
Ни булыр тиһең уға.
Туйҙар үтә шаулап-гөрләп,
Йәштәр ҙә донъя көтә.
Ирҙең ғүмеркәйе хәҙер
Һыу ташып ҡына үтә.
Шалтыр-шолтор арба һөйрәп
Нисә урай һыу юлын.
Бисәкәйе хуплап тора:
«Һау булһын аяҡ-ҡулың!»
Күңелһеҙ уйҙар биләйҙәр
Ваҡыт-ваҡыт күңелде:
– Көйәнтәләп һыу ташыуҙан
Ниңә ҡыҙҙар төңөлдө?
Хәҙер һыу юлын кейәүгә
Күрһәтергәме икән?
Туйҙа арба шалтыратып
Һөйрәтергәме икән?!
Миңнур БАЙҒАРИНА.
Фото: скриншот, ютубтан.
