+22 °С
Облачно
Шиғырҙар
16 Апреля 2023, 04:00
Күңелем һине көтә
Эҙҙәремде һалып аҡ балаҫҡа,Таныш һуҡмаҡ буйлап үтәмен.Мөғжизәгә һаман ышанам мин,Һинең килереңде көтәмен.
Күңелем һине көтә
Юл күрһәтеп балҡый мең
йондоҙҙар,
Бәхет юрағандай Ай ҡыҙы.
...Тик һин генә күренмәйһең,
йәнем,
ҡаршылайым ҡышты яңғыҙым.
Үткәндәргә елеп, уй-толпарым
Һинең менән ҡабат осраша.
ҡайнар һөйөүемде еткерәмен
Йөрәгемдә тыуған йыр аша.
Ирекһеҙҙән ҡулдарымды һуҙам,
Һинең һынды тойғас ҡаршымда.
... Һүнгән мөхәббәтте хәтерләтеп,
ҡар бөртөгө ирей усымда.
Юлиә ӘХМӘТЙӘНОВА.
Фото: dressya.ru
