+13 °С
Ямғыр
Бөтә яңылыҡтар
Шиғырҙар
10 Май 2023, 15:00

Бөгөнгө уҡытыусы

Минира БИКӘНӘСОВА«Рэш»ҡа инеп сығайым даТеркәләйем «ЕСОО»ға,«Решу» тестарын эшләтәмОГЭ-ға һәм ЕГЭ-ға.

Бөгөнгө уҡытыусы
Бөгөнгө уҡытыусы

«Ватсап”тағы чаттар аша
Эшләнә эштәр гелән.
Бөтмәҫ отчеттары килә
«Срочно» фарманы менән.
«Элжур»ға билдәләр ҡуйып
Төндәрен ултырайым.
Иртәгәлеккә дәрескә
План яҙып тултырайым.
«Учи ру»ҙа балаларға
Ебәрәйем эштәрен.
(Һиҙеп торам: атай-әсәй
Түҙә ҡыҫып тештәрен).
Конкурстарҙан, бәйгеләрҙән
Ҡотолоп булмаҫ ҡасып.
Танышайым шарттар менән
Почтамды тиҙерәк асып.
Ҡулдан төшмәй телефондар
Элемтәлә булырға!
Ваҡыт ҡалмай ноутбуктың
«Мышка»һын да ҡуйырға.
Ахрызаман билдәһеме:
Ваҡыт хәҙер тиҙ аға...
Белемле булып үҫерме
Хәҙерге бала-саға?

Фото: fms-kursk.ru

Автор:
Читайте нас: