+22 °С
Облачно
Шиғырҙар
30 Мая 2023, 07:00
Төшөнә алмайым...
Әллә ниндәй заман бит был: Көн тыуҙымы – үлтереш. Аслыҡ мәле тейер инең – Насар түгел көнкүреш.
Төшөнә алмайым...
Донъяһының рәте китте,
Көн тыуҙымы – гел талаш.
Ябайҙарға бер хөрмәт юҡ,
Ҡайҙан килгән был ҡараш?
Һуңғы сәғәттәрен көтөп,
Урында ятһалар ҙа,
"Етте!" тип әйтә алмаҫтар,
Алтынға батһалар ҙа.
Шулай булмай нисек булһын
Байҙарҙыҡы – замана.
Байлыҡ бөгөн йәнгә хужа,
Байлыҡ бөгөн – тамада.
Намыҫ, выждан һәм мәрхәмәт –
Ҡалды бары тик һүҙлектә.
Эҙләһәң тә таба алмаҫһың,
Оҙаҡ йөрөп өҙлөкмә.
Табаһы ине сиселешен,
Бөтә алмайым һис төшөнөп.
Борсой әммә гел бер һорау:
“Ҡайҙа бара кешелек?”
Рифҡәт ИМАЕВ.
“КУ” 12, 2019.
Фото: pixabay
