Ашыҡмағыҙ!

Ашыҡмаһаң, йыраҡ китерһең һин,
Тигән һүҙ бар бит, беләһегеҙ.
Күпме кеше ғүмерҙәрен өҙә,
Һис ҡыҙғанмай, юлдар аяуһыҙ.

Һеҙҙең йәшәү, һеҙгә генә түгел,
Күптәргә бик кәрәк, аңлағыҙ!
Балаларҙы, атай-әсәйҙәрҙе
Ҡайғыларға, бер үк, һалмағыҙ.

Атай-әсәй булһаң, аңла шуны:
Һин кәрәкһең ғәзиз балаңа.
Уйланығыҙ: нисек ауыр йәшәү,
Ҡалғандарға, сит-ят ҡулдарҙа.

Балаҡайым, бер үк әкрен йөрө,
Ашыҡҡанды юлдар яратмай,
Тигән һүҙен атай-әсәйҙәрҙең,
Йөрөгөҙ һеҙ, бер үк, онотмай.

Оҙатҡас та, ғәзиздәрең өйҙән,
“Килеп еттем “тигән һүҙ көтә.
Шул ике һүҙ бары, шул ике һүҙ
Ғүмер өҫтәй һәм дә йәшәтә.

Бер миҙгелдәй генә ғүмереңде
Ҡыл өҫтөнә, зинһар, ҡуйма һин!
Юлдарҙағы кеше ғүмере өсөн
Яуаплыһың, аңла шуны һин!

Ашыҡмағыҙ, зинһар, юлдарҙа!
Иҫән йөрөгөҙ, бер үк, юлдарҙа!

Лениза Фәйзерахманова.

Фото: https://vk.com/bashstatus