+30 °С
Болотло
Шиғырҙар
17 Сентябрь 2025, 08:15
Әнғәм АТНАБАЕВ МАЛАЙҘАР
Заманында беҙ малайҙар инек,Йүгереп йөрөй инек урамда,Донъя нисек - шулай ҡабул итеп,Көләинек ҡыҙыҡ булғанда,Илай инек ҡыйын булғанда...Йүгереп йөрөй инек урамда.
Әнғәм АТНАБАЕВ МАЛАЙҘАР
Шул малайҙар хәҙер важныйландыҡ:
Эре һиптерәбеҙ борсаҡты,
Сүпләп-сүпләп кенә һөйләшәбеҙ,
Кирә төшөбөрәк ҡорһаҡты.
Урамдарҙа йүгереп йөрөү ҡайҙа!
Атлап йөрөү ҙә аҙ - "так сибә".
Эшкә барыу, ҡайтыу - машинала
Гулять һалдырыуҙар - таксиҙа.
Малай саҡтың рәхәт ябайлығы
Онотолған инде - белмәйбеҙ:
Илар саҡтар була - иламайбыҙ,
Көлөр саҡтар була - көлмәйбеҙ.
Шаярмайбыҙ, имеш, ололарға
Уйын-көлкө-фәлән килешмәй,
Ҡайберәүҙәр хатта, килешмәй, тип
Йәшлек дуҫы менән күрешмәй.
Ят шикелле хәҙер малайҙарҙың
Урамдарҙа йүгереп йөрөгәне.
Шулай беҙгә аҡыл керә микән,
Әлә сыға микән кергәне.
Фото: https://vk.com/public215622371
