+28 °С
Болотло
Шиғырҙар
8 Октябрь 2025, 09:45
САЛАУАТТЫҢ ӘЙТКӘНЕ
Сибәғәт РАХМАНҒОЛОВ Атымды торҙом туғарып,Сабыр ғына көтөгөҙ.Оҙаҡламай мин ҡайтырмын,Һау булығыҙ үҙегеҙ. Яраларымды уңалтҡас,Ярһыу толпар атымда,Сабып килеп туҡтармын да,Өндәшермен халҡыма:
САЛАУАТТЫҢ ӘЙТКӘНЕ
Мин үлмәнем әле, дуҫтар,
Бына ҡайттым яңынан.
Илем тыныслығын һаҡлап,
Баҫтым Иҙел ярына.
Шул тиклем ашҡынып ҡайттым,
Һағындым һеҙҙе, халҡым!
Хистәрем урғылып бара,
Йөрәгем тулы ялҡын.
Ил-көнөбөҙ, телебеҙ тип,
Ҡалҡан булып торайыҡ.
Киләсәгебеҙ аҡ булһын,
Тик яҡшыға юрайыҡ.
Ә хәҙергә, башҡорттарым,
Иламай оҙатығыҙ.
Доғалар уҡып, көтөгөҙ,
Мин барҙы онотмағыҙ.
5.10.2025й.
Фото:
