+8 °С
Ясно
Шиғырҙар
15 Апреля , 09:55
Әнғәм АТНАБАЕВ ҠАРТАЯБЫҘ
Ҡартаябыҙ, ҡарсыҡ... Зәңгәр йылдарҠайһы арала бик тиҙ уҙҙылар.Туйҙа кейгән ебәк күлдәктәр ҙәКүренмәйҙәр – ахыры, туҙҙылар. Күлдәктәр ҙә туҙҙы... Ә шулай ҙаӘҙәм рәтле йәшәп булманы.Минең яҙмыш, бәлки, уңғандыр ҙа,Һинең яҙмыш минән уңманы. Иртә көҙөн яуған ҡар шикеллеСәстәреңдә аҡтар күренә...Ғәфү үтенһәм дә, кисермәҫһең —Мин ғәйепле һәр бөртөгөнә. Беҙ өйләнгәс кенә, әллә нишләп,Матур ҡыҙҙары ла арттылар...Күңел йомшаҡ... Түҙеп буламы ни?!Эйәреп киттем шулар артынан.
Әнғәм АТНАБАЕВ ҠАРТАЯБЫҘ
Эштән ҡайтҡан саҡта ара-тирә
Таныш урамдарҙа аҙаштым.
Аҙаштым да, тағы һуңлап ҡайттым,
“Йыйылыш булды”, тиеп алдаштым.
Ә һин ышаныпмы, ышанмаймы —
Сабыр ғына көтөп ултырҙың;
Шатлыҡ урынына шаҡтай ғына
Был тормоштоң утын йотторҙом.
Ожмах булһа, һиңә иң беренсе
Билет алыр инем түренән...
Иртә көҙөн яуған ҡар шикелле
Сәстәреңдә аҡтар күренә.
Ҡартаябыҙ, ҡарсыҡ, ҡартаябыҙ,
Йәшлек йүләрлеге юғала...
Ләкин берүк, был аҙғын да тынды,
Гөнаһ эшләмәҫ, тип уйлама!
Фото: batyanya26.ru
Новости партнеров
