+30 °С
Болотло
Шиғырҙар
26 Июнь , 05:45
Йәмил ҠОТЛОГИЛДИН ШАЙТАН-КӘЗӘ
Мунса яҡтым ялдар еткәс,Яңы минлек ебеттем.Шатлығына сыҙай алмай,Минең хәләл ефетем.
Йәмил ҠОТЛОГИЛДИН ШАЙТАН-КӘЗӘ
Эҫе мунсаға бармайым,
Сөнки башым әйләнә.
Эҫеһенә түҙер инем,
Барһа,ҡатын бәйләнә.
Үҙе генә китте ҡатын,
Сабынырга кинәнеп.
Аҙ ғына ла торманы,
Ҡайтып керҙе енләнеп.
-Үҙең бар-ти, миңә ҡатын, -
Унда мөгөҙлө шайтан.
Башҡа аяҡ баҫмайым,-ти,
-Хәҙер, әсәйгә ҡайтам...
Үҙем ҡурҡам… Ә шулай ҙа
Булдым барып ҡарарға.
Үҙ алдыма һөйләнәмен:
-Ҡурҡма, Йәмил, юҡ-барға.
Барып керһәм мунсаға,
Тора унда кәзәкәй.
Уны күреп ҡурҡышымдан,
Иҫкә төштө әсәкәй.
Кәзә-шайтан керер тип
Кем генә һуң уйлаған.
Ҡышҡылыҡҡа әҙерләгән
Бер минлегем ҡалмаған
… Мунса яҡтым ялдар еткәс,
Инербеҙ тип парлашып.
Бер шайтан-кәзә тиеп,
Ултырмайыҡ талашып,
Самауырҙан сәйҙәр эсеп,
Ултырайыҡ ярашып.
Фото: shedevrum.ai
