-19 °С
Болотло
75 лет Победы
Бөтә яңылыҡтар
Шулай ҙа була!
20 Март 2022, 17:00

Йығылғанға – йоҙроҡ

Йомашта йәшәүсе йомро Йомағол, йыуаш Йәмиғә – йәштәштәр. Йәштән йәрәштеләр. Йәһәтселдәр. Йорттары йылы, йыйыштырылған, йыһазлан­дырылған.

Йығылғанға – йоҙроҡ
Йығылғанға – йоҙроҡ

Йәннәт, Йәмил – йорттарының йәме. Йондоҙҙар йымылдаһа ла йоҡла­майҙар, йылғырҙар, йүгерешәләр, йомошҡа йөрөмәйҙәр. Йәмиғәне йонсоталар. Йылынмаған йор йылғала йөҙөп, йүтәлләгәндәр. Йәмиғә:
– Йүнһеҙҙәр!
Йомағол йоҡлап йөрөмәй, йүнсел. Йәмиғә йыйынсаҡ, йылманлап йөрө­мәй. Йомағол йүткерҙе, Йәмиғә:
– Йәрхәмбикә!
Йомағол, Йәмиғә, йорттарын йоҙаҡ­лап, йылдың-йылы йомала йәрминкәгә йөкләп йөрөй. Йәрминкә йомарланған майҙарҙы, йөҙҙәрсә йомортҡаны, йәшник-йәшник йәшелсәне йылдам йота.
Йыйырсыҡлы Йомағол Йәмиғәһенән йәшереп йәрминкәлә “йәшел йылан” йомдорҙо. Йомдора-йомдора йом­шарҙы, йүгәнһеҙләнде, йүнһеҙ йыр йырланы. Йәмиғә йәберһенде, Йома­ғолға йәбеште, йоҙроҡлап йөҙөн йыртты.
– Йүнкеттең, йән йолҡҡос!
Йомағол йөн йомғаҡтай йомарланып йырғанаҡҡа йығылды. Йәмиғәнең йәне йәһәннәмгә йомолдо:
– Йәннәт, Йәмил – йәтимме?!
Йөрәкһенгән Йәмиғә йүпәләй-йүпәләй йыр йырланы:
Йәнкәй-йәнәш, йөрәккәйем,
Йәренгә йәйләүҙәрҙә йәйләрбеҙ.
Йылмайып йондоҙҙарҙы йәмләрбеҙ,
Йәшендәй йәшнәп йәшәрбеҙ.
Йомағол йәнләнде. Йәмиғәнең йө­рәге йылынды, Йомағолдоң йөҙөн йодланы. Йорттарына йүнәлделәр. Йәннәт, Йәмил йәнфарман Йомағол, Йәмиғәгә йүгерҙе:
– Йыуаса!

Х. ХӘРЕФШИН.

Фото: Pinterest

Автор:"ҺӘНӘК" журналы
Читайте нас в