-15 °С
Болотло
75 лет Победы
Бөтә яңылыҡтар
Шулай ҙа була!
22 Март 2022, 15:00

Хәйләкәр сиған малайы

Әсәләре балаларын саҡырып алған да: - Кемгә аш һалып бирәйем? - тип һораған. - Миңә! - тип ҡысҡырып ебәргән улы. - Әсәй, мулыраҡ һал әле, бик тә асыҡтырҙы.

Хәйләкәр сиған малайы
Хәйләкәр сиған малайы

Балалар сөгөлдөр һурпаһын ялт иттереп ҡуйғандар. Шунан әсәләре быларҙан:

- Ә кем бутҡа ашай? – тип һораған.

- Миңә, миңә бутҡа! – тип йәнә ҡысҡырып ултыра ти өлкәне. – Күберәк һал, әсәй, йәме!

Балалар бутҡаны ла һыпыртып ҡуйғандар. Инде әсәләре быларҙан:

- Йә, ҡайһығыҙ йылҡы көтөргә бара?

- Беҙ, беҙ! – тип кемуҙарҙан ҡысҡырған кесе малайҙар, ә ағалары өндәшмәй, ти.

- Ә һин ниңә өндәшмәйһең? – тип һораған әсәһе өлкән улынан. – Ашағанда барыһынан да күберәк һин ашаның, ә эшкә тигәндә, ауыҙыңа һыу ҡапҡандай булдың.

- Эйй, әсәй, – тип үпкәләп яуап биргән ти малай. – Мин ике эшеңде лә башҡаларға ҡарағанда күберәк эшләнем, инде өсөнсөһөн дә миңә ҡушырға уйлайһыңмы?

Фото: zen.yandex.tm

Автор:Дилара Арсаева
Читайте нас в