Алама директор

– Кемдә ниндәй мәғлү­мәт­тәр бар? – тип һораны шайтан­дар армияһы генералы Ҡойо­роҡов.
– Иптәш генерал, Өфө ҡалаһындағы балалар баҡ­са­һының береһендә кеше­ләргә зыян килтереү буйынса бик яҡшы уңыш­тарға өлгәшкән дирек­тор Төлкө­ханованы табып алдыҡ, – тине шайтан развед­чик Шымаҡов.
– Бик яҡшы. Нисегерәк зыян килтерә?
– Уның ҡулы, аяғы аҫтында эшләмәйенсә эш хаҡы бирел­гән хеҙмәткәр­ҙәр бар.
– Нисегерәк? Бының серен һөйләп бир.
– Төлкөханова үҙенән юғары түрәһенең бисәһен йәки ҡы­ҙын, йә үҙенең ту­ғанын тәрби­ә­се итеп эшкә ала, әммә улар эшләмәй, ләкин хеҙмәт хаҡы түләнә. Улар урынына башҡа­лар­­ҙы икешәр смена эшләтә лә, хеҙмәт хаҡын бер смена өсөн генә түләй. ”Икешәр смена бил бөгәбеҙ, хеҙмәт хаҡын тейешенсә түләгеҙ”, – тип әйтеүселәргә: “Мин һеҙҙе көсләп тотмайым, китегеҙ ҙә барығыҙ, эш эҙләп йөрөүселәр күп, святое место пусто не бывает”, – ти. Уның әйткәне бик дөрөҫ, кешеләр эшкә килеп тора, норманан тыш эшләгән­дәренә эш хаҡын ала алмағас китеп тора. Икенселәр… өсөн­сөләр... тағы килә, тағы китә... Ә теге туған-тыумасаға эш хаҡы түләргә батрактар иҫә­бенән баҡсала эш башҡарыла.

Шайтандар дәүләтенең башлығы баҡса директоры Төлкөханова Зыянбикәне “Иң алама директор” тигән орден менән бүләкләргә тигән указға ҡул ҡуйҙы.

ИШКИЛДЕ менән ҠУШКИЛДЕ.