Ҡәләмдәр

Ҡыҙыл ҡәләм дә ябайҙы үҙ иткән, улар өйләнешкән.
Шулай итеп, бергә йәшәй башлағас, уларҙың төрлө төҫ­тәге ҡәләм балалары тыуа. Тик бәхетле тормошҡа бер нәмә ҡамасаулай. Ҡәләмдәр ҡатырғанан яһалған һауытҡа һыймай башлаған. Улар пенал тип аталған яңы, матур, иркен өй һатып алырға була. Тик ябай ҡәләмдең бәләкәй генә эш хаҡына ундай өй алып булмай шул. «Флом-Мастер» банктан ипотека алып, хыялдарын тормошҡа ашыралар. Хәҙер инде бу­рысты тү­ләр өсөн, ябай ҡә­ләм кө­нө-­төнө эшләргә мәж­бүр. Ул һүрәт тә төшөрә, сәс ҡыҫтыр­ғыс та була. Хатта дискотекала кассета өйөрөл­төүсе булып та эшләй. Көн һа­йын ос­лана торғас, ул ҡыҫ­ҡарған­дан-ҡыҫҡара бара. Инде ҡыҫ­ҡарып бөттөм тигәндә генә, башындағы юй­ғысы ғына тороп ҡалғас, донъяға тағы бер ҡәләм бар­лыҡҡа килә. Улар әсә капиталын ҡулланып, бурыстарын ҡаплай. Шунан рәхәтләнеп яңы өйҙәрендә йәшәй башлайҙар.

Фәрхәт ҒӘЙНЕТДИНОВ.