Гәүһәргә тиң утын

Башҡортостан Республикаһы прокуратураһының матбуғат хеҙмәте мәғлүмәттәре буйынса, 2021 йылдың июнендә Төмәнәк участка урман хужалығы диләнкәһендә хөкөм ителеүсе үҙенең өйҙәше менән бергә 17 имән һәм ҡайын ағасын киҫкән. Ҡатын иргә ҡырҡыу өсөн рөхсәт ҡағыҙы булыуы хаҡында әйтә. «Шулай итеп, былар законһыҙ рәүештә 27 кубометрҙан ашыу күләмдә урман үҫентеләре киҫкән, килтерелгән зыяндың суммаһы ике миллион һумдан ашыу тәшкил итә», - тип хәбәр итәләр төбәктең күҙәтеү ведомствоһынан. Ғәйепләнеүсе үҙ ғәйебен таныны. Суд уға 3 йылға шартлы рәүештә иркенән мәхрүм итеү тураһында ҡарар сығарҙы һәм, килтерелгән зыянды түләтеп, прокуратура дәғүәһен ҡәнәғәтләндерҙе. Хөкөм ҡарары әлегә законлы көсөнә инмәгән.

Фото: pervaya.promportal.su