Алдаша белмәгәс

Көҙ, эштәр тамам­­ланғас, кем күп­ме уңыш алған, ошо хаҡта уға мәғ­лүмәт бирәләр икән. Бүренең алдашып булһа ла гел алда бар­ғыһы килгән.
– Ерҙәрҙе туңға һөрөүҙе тамам­ла­ным, – тип шапырынған был Айыу янына килеп.
– Картуф менән сөгөлдөр тапшы­рыу планын үтәй алмағанһың икән, – тигән быға Айыуҙың хисапсыһы.
– Ниңә улай тиһең?
– Бәй, кисә килгән аҙналыҡ йом­ғаҡлау һандарынан күренеүенсә, картуф тапшырыу планың – ярты­лаш ҡына, сөгөлдөрөңдөкө сиреге генә үтәлгән.
– Алып бөтөрмәнем бит әле мин уларҙы. Хоҙай биреп, көндәр ошо­лай сыуаҡ торһа, 140-150 процентҡа еткерәм әле мин картуф менән сөгөлдөр тапшырыу планын, – тип күкрәк һуҡҡан Бүре.
– Үҙең туңға һөрөүҙе тамам­ла­ным, тиһең. Нисек итеп һөрҙөң һуң һин уңышы йыйылып бөтмәгән ба­ҫыуҙарҙы?!
Бүре ни тип яуап бирергә лә белмәгән.

Илдус ТИМЕРХАНОВ.