Ҡараҡтан ҡаҙ ҙа ҡала

Ҡыуандыҡ Ҡа­фияһы ҡыш ҡарҙа ҡаҙан ҡай­натҡан, ҡашҡа ҡонанды ҡо­роҡ­лаған ҡыйыу ҡатын. Ҡырҡ­лаған ҡаҙҙы ҡарға-ҡоҙғондоң ҡанатын да ҡағылдырмай ҡырпаҡ ҡарғаса ҡарай, ҡарауыллай. Ҡа­ланыҡы­ларға ҡыуанмаһа ла ҡунаҡ ҡарар­ға Ҡәйүм ҡоҙала­рына, Ҡа­сим ҡәйнешенә ҡысҡыр­ҙы. Ҡа­фия ҡой­мағын да ҡойған, ҡара­ға­тын да ҡайнатҡан. Ҡунаҡ­тары­на ҡаҙы, ҡабартма, ҡымыҙ, ҡа­бым­лыҡтар ҡуйҙы. Ҡаты ҡо­ро­тон да ҡыҙған­маны. Ҡыҙ-ҡыр­ҡын Ҡафияның ҡырҡ ҡырҡып ҡораған ҡорамаһын ҡарап, ҡыҙыл ҡорамаға ҡыҙыҡһа, ҡоҙалары Ҡыуандыҡтың ҡарма­ғындағы ҡалҡыуысҡа ҡарап ҡый­ҡыл­даш­ты.
Ҡунаҡтың ҡыҙыуында Ҡәҙриә Ҡыямын Ҡәйүм ҡоҙаһының ҡа­тынынан ҡыҙғанып ҡыйналды:
– Ҡарамалыла ҡарама,
Ҡарамаға ҡарама.
Ҡара ҡашың ҡыймылдатып,
Ҡарпышыма ҡарама.
Ҡыям ҡыҙарҙы, ҡоҙаларҙан ҡыйынһынды. Ҡыуандыҡ ҡарын­дашының ҡыҙыулығынан ҡомһар­ҙы, ҡобараһы ҡойолһа ла ҡунаҡ­тарын ҡат-ҡат ҡыҫтаны. Ҡоҙалар ҙа ҡаршылашмай ҡоймаҡтарҙы ҡарһалана-ҡабалана ҡаймаҡлап, Ҡыуандыҡ ҡарамағанда, ҡымыҙ­ҙы ҡабымламай ҡаптылар. Ҡа­раң­ғылағас, Ҡыям ҡалаһына ҡа­сып ҡайтырға ҡарһаланды. Ҡасһа ла ҡоро ҡасмаған ҡәһәрең: ҡай­нағаһы Ҡасимдың ҡамытын, ҡа­мыттың да ҡандайын, ҡанза­ма­нындағы ҡартатаһы ҡалай ҡатып ҡупшылаған ҡаты ҡайын ҡамытты – ҡулына, Ҡафияның ҡырҡ ҡаҙыһының ҡап-ҡараһын ҡулты­ғы­на ҡыҫтырған, ҡабала­нып, ҡәйенеңгәһенең ҡатаһын ҡуңал­таҡ ҡатҡан. Ҡайалсаңда ҡарһа­ланып, ҡыйыш ҡатаһы ҡыҫаланда ҡыҫылып ҡалған. Ҡамыт Ҡәйүм ҡа­пыл ҡыйыш ҡатанан ҡурҡып, ҡолап, ҡо­лағын ҡанатҡан. Ҡыям­ды Ҡәҙриә, Ҡа­фия, Ҡарама­лы­нан ҡыҙыу ҡанлы, ҡыҙыл ҡалпаҡ ҡәйнеш­тәре Ҡарт­сабындан Ҡа­раталға ҡарай ҡа­манылар.
Ҡасим: “Ҡамыт, ҡамы­тым!”, ҡәй­­нештәре: “Ҡыу, ҡи-иу!”, Ҡәҙ­риә: “Ҡал, ҡал!”, Ҡафия: “Ҡаҙ, ҡаҙ!”, Ҡыуандыҡ: “Ҡуй, ҡуй!” – тип ҡысҡырҙылар, ҡы­ҙыуланып ҡарағайлыҡты, ҡайын­лыҡты ҡал­дырмай ҡаранылар. Ҡатын-ҡыҙ­ҙы ҡурҡытып, ҡуян ҡамышлыҡтан ҡасҡас, ҡараһа­лар, Ҡыям ҡайғы­рып ҡына ҡаты ҡоротҡа ҡымыҙ­лыҡ, ҡаҡы ҡушып ҡапҡылай. Ҡа­фия ҡаҙының ҡуҙҙа ҡыҙҙырыл­мағанына ҡыуанды. Ҡыям ҡупы­рыҡ ҡәйнештәренә ҡаршылашты, ҡайырылып ҡаҡ­ша­ны. Ҡыҙыулыҡ­тан ҡылған ҡылығынан ҡыйын­һын­һа ла Ҡыям ҡамышлыҡта ҡал­маны. Ҡайт­ҡан­да ҡара ҡаҙ ҡаң­ғыл­дап ҡаҡшатты. Ҡаңғыл­дар, ҡаңғылдар... Ҡышҡы ҡунаҡта ҡо­ҙа ла ҡаҡылдап ҡы­ҙартыр, ҡаҡ­шатыр.

Ҡыҙыҡбикә ҠЫҘҒАНБАЕВАНЫҢ
ҡиҡылдауын ҡараусы
Айһылыу БАЙБАҠТИНА.

Фото: www.youtube.com