Икмәк һәм ашҡаҙан

– Нимәгә кәрәк булды һуң әле һиңә минең аппетит?
– Ышанһаң – ышан, бажа, ышан­маһаң юҡ, минең аппетит­тың нәф­сеһе ҡаңғырта башланы бит әле.
– Бик һәйбәт, әйҙә аша улай бул­ғас, үҙеңдә аппетит асҡыс шыйыҡса ҡулланыу ғәҙәте лә бар булһа кәрәк.
– Унан ғына булһа икән шул, – ти бажам. – Әйтһәм әйтәйем инде, элек ике-өс телем генә ашап йөрөгән кеше бөгөн килеп, өлкәнәйгән көнөм­дә, бынау Юлдыбай, Матрай, Һолтан­тимер ауылдарында бешерелгән, Си­бай­ҙыҡы ла артыҡ айырылмай, икмәктәрҙең бер буханкаһын ашамайынса ашҡаҙан ҡәнәғәт­лән­­мәй ҙә ҡуя. Вәт аппетит! Аптырарһың, әл­лә ул икмәк­тәр­ҙең эсенә һауа тултыралар, әллә нимә менән әсетәләр, үҙҙәре мамыҡ кеүек, ауырлыҡ­тары ла ташҡа үлсәйем, бынау ҡул менән нығыраҡ ҡыҫһаң, бухан­каһын бер усҡа ла һыйҙы­рыр­ға мөмкин, – тип уҫлаптай ҡулдарын күрһәтә. – Әллә өлкә­нәйгән һа­йын ашҡаҙан да ҙурая барамы икән, нисек уйлай­һың, бажа?
Бажам ысынлап та ҙур бәләгә тарыған әҙәмде хәтерләтә башланы.
– Ҡартайған һайын аппетиттың юғалмауына шатлан ғына, – мин әй­тәм, – тимәк, һаулығың шәп. Әйҙә, барғас ни, аша ла аша.
– Уныһы шулай ҙа ул, әммә бер телеме элекке бер буханка ха­ҡына торған икмәкте бер үҙем ашай башлаһам, минең бит әле ишле генә ғаиләм дә бар, ә пенсияны үҙең беләһең... – тип күңел төшөнкөлө­гөнә бирелде бажам.
Эйе шул, уйлаһаң уйылырлыҡ заманда йәшәйбеҙ.

Фәрит РӘМОВ.

Фото: www.hobobo.ru