Ҡәйнәм

Һин бит, ҡәйнәм, теге Маргарет Пычар кеүек. Юҡ инде “тычар” түгел, “Пычар”... Англия президенты кеүек, тим. Ну, Индира Гадина инде, ҡарап торғанда.
Ҡәйнәм, ҡара әле, әллә килеп китәһеңме, тим. Беҙҙең тараф­тар­ҙа күптән булғаның юҡ бит инде. Ҡыҙың шашты бит, ҡәйнәм. Бы­­на өйҙә бер нәмә эҙләп та­быр­лыҡ түгел. Килеп, әҙерәк аҡылға ултыртып китһәң ине, тим. Юҡ, ми­не түгел, ҡыҙыңды. Ну, миңә, яратҡан кейәүеңә, яҡшыраҡ ҡа­ра­һын ине, тим. Үҙең ҡара тип, мин ни ҡарап торам инде ул. Эш­тән ҡайтҡас та ике күҙемде мөл­дөрәтәп ҡарайым, ә ул арты менән йөрөп ята. Юҡ, тик ятмай, эшләп йөрөй.
Ну, уҫал, ҡәйнәм, ҡыҙың, уҫал! Һис кенә лә һиңә оҡшамаған. Һиңә етә буламы һуң? Әллә һинең ҡыҙың түгелме ул? Бәлки, берәй детдомдан алғанһыңдыр? Шул тиклем яуыз булмаҫ ине. Ҡыҙ сағында хатта матур ғына ине әле ул, аҡыллы ғына. Хәҙер төҫө-башы, ҡиәфәте үҙгәрҙе, аҡылы ла бөттө. Әллә бер-ике айға алып ҡайтып тораһыңмы? Миңә теге отпускы һымағыраҡ булып ҡалыр ине, ул китһә. Бигерәк йонсотто бит, ҡәйнәм, бына ҡаҡ һөйәккә ҡалдым. Килеп күрһәң, ҡурҡып китерһең әле, танымай.
Кил әле һин, ҡәйнәм, кил! Бөгөн үк кил, миңә бигерәк ауыр. Шуны ла онотма, ҡәйнәм, теге әсегән-сөсөгән, ыуынғандан, йыуынған­дан ҡалған нәмәләрең һинең һәр саҡ була торған. Шуларҙы бер үк онотма инде, ҡәйнәм!

Рауил ҒӘЛИН.

Фото: papik.pro