+14 °С
Облачно
Шулай ҙа була!
19 Декабря 2022, 08:00
Минең ирем...
...бер ваҡытта ла бер нәмәне лә ташламай. Өй йыйыштырғанда бер ҡап автобус билеттары таптым. Өс йыллыҡ. Ташларға теләгәйнем, үпкәләне: был билеттар менән ул миңә осрашыуға йөрөгән икән. Ғүмер буйы һаҡлаясаҡмын, ти. Ул хатта торттан бушаған ҡапты һаҡлаған. Тортты беҙ ике йыл элек әрләшеп ярашҡандан һуң ашағайныҡ.
Минең ирем...
...өйләнмәҫ борон ойоҡбаштарын былай йыуған. Һыуҙан бушаған һауытҡа (алты литрлы) эҫе һыу тултырған да, ике ҡалаҡ порошок өҫтәгәс, ойоҡбаштарын һалған. Һауыт көнө буйы машинаның багажнигында йөрөгән. Һуңынан сайҡап ҡуяһы ғына ҡала, ти.
...йөндән бәйләнгән йылы тапочкалар кейеп йоҡлай. Уңайлы, ти. Был минең йәнемде көйҙөрмәй.
...ботинкаһының бауын бәйләргә йәки ысҡындырырға эйелгән һайын сөскөрә. Сөскөргән һайын “Йәрхәмбикалла!” тип әйтергә ҡуша. Утыҙ йыл буйына көн дә ун тапҡыр.
Р. КАМАЛОВА.
