– Бик кәрәгең бар ине! – Әбей ҡулын һелтәгән. – Үҙебеҙҙең тамаҡты саҡ туйҙырабыҙ, етмәһә, һин.
– Ниндәй бәхетһеҙмен! – Эт һыңҡылдап илаған. – Бөтә донъяны урап сыҡтым, мине бер кем дә үҙенә алмай. Дүрт аяғымды туҙҙырҙым, тиҙҙән ҡалған дүртеһе туҙасаҡ, шунан үләсәкмен. Ай-ай-ай!
– Һинең аяғың һигеҙ инеме ни? – тип һораған бабай.
– Һигеҙ, тап шулай, – тип яуаплаған эт. – Элек бөтә эттәр ҙә һигеҙ аяҡлы булған, барлыҡ йәнлектәрҙән шәберәк йүгергән.
– Дүрт аяҡ менән һинең беҙгә бер кәрәгең дә юҡ, – тигән әбей.
– Эй бәхетһеҙ башҡайым! – Эт яңынан һыңҡылдап илаған. – Мин – яҡты донъялағы иң аҙаҡҡы эт. Һуңғы аяҡтарымды туҙҙырып бөтөрөү менән, минең ырыуым ҡороясаҡ. Мин бәхетһеҙҙе үҙегеҙгә алығыҙ, ояла йәшәрмен, өйөгөҙҙө һаҡлармын.
– Ҡарсыҡ, ә, ҡарсыҡ, бәлки, уны үҙебеҙгә алырбыҙ, – бабай әбейгә ялбара. – Кәмселеге булһа ла йәл бит әле, ерҙәге аҙаҡҡы эт үлә.
– Һигеҙ аяҡлы булһа икән, – әбей уфтана. – Ярай инде, был дүрт аяҡлы зәғифте йәлләйек.
Улар этте үҙҙәренә алған. Дүрт аяғына ла өйрәнгәндәр. Эт өйҙө һаҡлаған, бабай менән һунарға йөрөгән. Дүрт аяҡлы эттәрҙең тоҡомо унан башланған да инде.
Әбей менән бабайға рәхмәт әйтергә кәрәк, юҡһа, ерҙә эттәрҙең бындайҙары ла булмаҫ ине.