+30 °С
Болотло
Шулай ҙа була!
22 Декабрь 2023, 10:00
ӨС ТАПҠЫР АҠСА ТАПТЫ!
Тайып йығылһаң – аҡса табаһың, тигән булалар. Булмаҫ та. Эштән ҡайтып киләм. Беҙҙең офистан туҡталышҡа хәтлем байтаҡ атларға кәрәк. Юл тигәндең әҫәре лә юҡ, һуҡмаҡ ҡына, етмәһә, тайғаҡ. Машиналар йөрөгән урамды һәр ваҡыт таҙартып, ҡом һибеп торалар, ә беҙ йөрөгән һуҡмаҡты гел “оноталар”.
ӨС ТАПҠЫР АҠСА ТАПТЫ!
Ун- ун биш аҙым алдан утыҙ-утыҙ биш йәштәр тирәһендәге ханым атлай. Бер аҙ төшөрөп алған, ерҙең тартыу көсөнә ҡаршы торорға тырыша. Айыҡ килеш тә атлауы ҡыйын, ә ул...
Беренсе мәртәбә тайып йығылды ла:
– Һай! Аҡса таптым! – тип ҡысҡырып көлә-көлә, нисек етте шулай аяғына баҫты.
Сайҡала-сайҡала ҡағынғанда тағы йығылды:
– Һай! Тағы аҡса! – Тороп баҫты, ун аҙым атланымы, юҡмы, тағы осто:
– Бысағымамы миңә был тиклем аҡса?!
А. КӨМӨШБАЕВ.
Фото:интернет селтәренән.
