Утһыҙ яңы йыл

Ә бына мин иң яратып иҫкә алғаны, һис шик­һеҙ, ГДР-ҙа хеҙмәт иткән сағыма тура килә. Ул көндө беҙгә иртәнсәктән тулы ял бирҙеләр, көндөҙ ҙур командирҙар килеүе ихтимал, биткә ҡыҙыллыҡ килтермәгеҙ инде ҡойто ғына шыршы табынығыҙ менән, тип киҫәтеп тә ҡуйҙылар.
Күңелле генә әҙерләнеп ҡайнашып йөрөгән саҡта, Яңы йыл тыуыуға сәғәт-сәғәт ярым ваҡыт ҡалгас, бөтә гарнизонда ут һүнде. Тәүге бер-ике минут беҙ ҡаушап ҡалдыҡ, ул нисек була инде ул... Бына һиңә туғандаш ГДР (ут менән беҙҙе улар тәьмин итә). Шул саҡ "ҡарт" сержантыбыҙ иң беренсе булып аңына килде: “Тыңлағыҙ минең әмерҙе! Алты һалдат, тиҙ генә автопаркка йүгерегеҙ, егерме минуттан өс танк аккумуляторҙары ошонда теҙелеп торорға тейеш!”
Ана шунда күренде лә инде һал­даттарҙың хәрби әҙерлеге. Байрамды ҡаршы алыуға егерме минут ҡалғанда беҙҙең казарма элеккеһенән дә яҡ­тыраҡ балҡып тора ине инде. Үҙе­беҙ­ҙең сослоҡҡамы, әллә беҙгә боҙоҡлоҡ ҡылып маташҡан немец­тар­ҙың уйы килеп сыҡмауына ҡыуа­нып­мы, беҙ ул байрамды бик матур итеп үткәрҙек. Ә теге һүнгән яҡты­лыҡ­ҡа килгәндә инде, Яңы йыл ты­уып ярты сәғәт үткәс, уны кире бирҙеләр, йәнәһе, станция байрам алдынан артыҡ ныҡ көсөргәнеш күргән. Ә беҙ бит яҡындағы ҡаланың уттары бер ниндәй көсөргәнешһеҙ йымылдауын күреп торҙоҡ.

Әхәт ИШБУЛАТОВ,