+13 °С
Болотло
Бөтә яңылыҡтар
Шулай ҙа була!
26 Март , 11:00

“ТЫҢЛАЙЫМ, ҺӨЙӨКЛӨМ...”

Сирләп киткәс, мине дауаханаға һал­ғай­нылар. Па­лата­лағы бө­тәһе менән дә яй­лап танышып сыҡ­тым. Бер мәрйә ҡатын иғтибарҙы үҙенә тартты. Ире башҡорт икән, көн һайын телефон аша байтаҡ ҡына һөйләшеп торалар. Мине хайран ҡалдырғаны – улар бер-береһе менән шул тиклем итәғәтле һөй­ләшә, һәр ике-өс һүҙҙең береһе йә – һөйгәнем, йә – йәнем.

“ТЫҢЛАЙЫМ, ҺӨЙӨКЛӨМ...”
“ТЫҢЛАЙЫМ, ҺӨЙӨКЛӨМ...”

Бер килке ваҡыттан теге ҡатынға, мин дә иптәшем менән һеҙҙең һымаҡ һөйләшеп ҡарайым әле, тием. Ҡатын көлә-көлә риза­лығын бел­дерә. Бына хәлә­лем шылтыратты.
– Тыңлайым, һө­йөк­лөм, һағынып та бөт­төм үҙеңде, йә­нем, – ти­нем. Теле­фондың теге яғында шомло тын­лыҡ урынлашты, күп­мелер ваҡыт­тан һуң Әсҡәтем телгә килде:
– Әйкәйем, әллә килеп алып ҡайтайыммы үҙеңде? Һөй­лә­шеүең­дең бер ҙә генә рәте юҡ бит?
Беҙҙең һөйләшкәнде ишетеп, палаталаштарым тәгәрәп ятып көлдө.

Гөлнира СИРУСИНА.

Автор:
Читайте нас: