Апрелдә ярата инем, майҙа яратмайым...

Студент саҡ. Беҙгә 17-18 йәш. Күңелдәрҙең иләҫ-миләҫ мәле. Бүлмәләш ҡыҙ күрше ятаҡтан бер егет менән матур ғына итеп дуҫлашып йөрөй. Ураған һайын егетен һөйләй, маҡтап бөтә алмай: "Эй, ҡыҙҙар, ул шул тиклем һәйбәт! Уның кеүек егеттәр был донъяла юҡтыр ул", - тип тороп ебәрә.

Бер көн осрашыуҙан күңелһеҙ генә ҡайтып инде. "Берәй хәл булдымы әллә?" - тип ҡыҙыҡһындыҡ.

- Эй ҡыҙҙар, ташлармын ул мин уны. Яратмайым, - ти.

- Әле яңыраҡ ҡына "ул шул тиклем һәйбәт, яратам да, яратам", ти инең бит һуң, - тибеҙ.

- Апрелдә ярата инем, майҙа яратмайым, - ти ғашиҡ ҡыҙыбыҙ.

Рәхәтләнеп көлдөк, әлбиттә. Ошонан һуң "Апрелдә яратам, майҙа яратмайым" тигән һүҙбәйләнеш арыу уҡ ваҡыт беҙҙең бүлмә ҡыҙҙары араһында лаҡап булып йөрөнө.

Фото: ilovestyle.com

https://bashgazet.ru/articles/m-kh-bb-t-ba-sa-y/2020-01-10/apreld-yarata-inem-may-a-yaratmayym-637265

Автор:

Читайте нас:

"Һәнәк"тең телеграм-каналына ҡушылығыҙ!

Ошо һылтанмаға баҫығыҙ!