+7 °С
Болотло
Бөтә яңылыҡтар
Шулай ҙа була!
31 Март , 13:10
Көндәшем менән ярышып йәшәйем
Бөтәһе лә минән көлгән кеүек. Бер ни ҙә эшләтә алмайым үҙемде. Ирем менән шуға ирешеп китәбеҙ. Йәш сағымда йөрөгән егетемдең бисәһе менән ярышып йәшәйем. Ул ир менән дә. Сөнки бер ауылда торабыҙ. Улар аталарынан ҡалған бәләкәс кенә иҫке өйҙәрендә йәшәгәндә миңә рәхәт ине. Хәҙер ике ҡатлы, ҙур йорт һалып инделәр. Уф, түҙә алмайым шуға! Бөтә ауыл, шуға кейәүгә сыҡһаң, һин бына шулай йәшәр инең, тип көлгән кеүек. Машиналарын да яңырттылар, исмаһам.
Көндәшем менән ярышып йәшәйем
Тәүге мөхәббәтем ине ул минең. Әле Себерҙә эшләй. Иремә әйтәм, һин дә бар, тим. Юҡ, ыжламай ҙа! Барлыҡ нәмәбеҙ ҙә бар бит, ти. Хәҙер ике балабыҙ ҙа ситтә, үҙебеҙгә генә иркен йорт. Әммә тегеләрҙең ике ҡатлы өйө менән машинаһы тынғылыҡ бирмәй. Хәҙер бисәләр ҙә Себергә китә бит. Әллә үҙем сығып китәйемме икән аҡса эшләргә?..
Фото:stat.uz
Новости партнеров