Тылсым эйәһе

Ҡатын әйтә:
– Егерме биш йыл буйы һөйөлөп кенә йәшәгән ирем менән донъя буйлап сәйә­хәткә сығыр инем.
Тылсым эйәһе мөғжизәле таяғын өҫкә күтәреүе була, шундуҡ ике билет килеп тә төшә.
Илле йәшлек тормош иптә­шенә һүҙ бирелә.
– Был, ысынлап та, бик һоҡланғыс, ләкин бындай теләк бер мәртәбә генә була, шуға уны үҙемсә файҙа­ланыр инем, – ти ул. – Ми­нән утыҙ йәшкә йәшерәк ҡатынға, һис шикһеҙ, өйлә­нер инем, – тип әйтеп ысҡындыра.
Тылсым эйәһе мөғжизәле таяғын һауала тағы уйнатып ала, илле йәшлек ҡатындың ире һикһән йәшлек бабайға әүерелә лә ҡуя.
Был донъяла һәр бер ир, һис шикһеҙ, үҙенән күпкә йәш бисәгә өйләнергә хыялланып йәшәйҙер. Ләкин улар шуны ла онотмаһын ине: тылсым эйәһе ҡатын-ҡыҙ затынан.

ХОҘАЙ ҠУШҠАН

Бик ауыр операция үткәр­гән бер ханым реанимацияла ята. Хәле бик мөшкөл булғас, яҡты донъя менән хушлаша башлай… Шул саҡ ниндәйҙер тылсым эйәһе ханымға көс-ҡеүәт өҫтәгән­дәй була. Ишетелер-ишетел­мәҫ сихри тауыш ишетә:
– Мин һиңә тағы ун йыл ғүмер бүләк итәм!
Үлергә йыйынып ятҡан ханым карауатынан нисек һикереп торғанын үҙе лә абайламайыраҡ ҡала. Тиҙ генә әйберҙәрен йыя ла пластик операция яһаусы хи­рург­ҡа йүгерә.
Бит тиреһен тарттырып, эйәк аҫтындағы икенсе ҡат­ламды киҫтереп, ҡыҫ­ҡаһы, һин дә мин йәшәреп китә. Ун йылды нисек телә­йем, шулай типтереп йәшәрмен, тип пландар ҡора.
Пластик операция яһатып клиниканан сығып ҡына килгәндә ҡара машина уны тапатып китә. Ханымдың шунда уҡ ғүмере өҙөлә, яҡты донъя менән бөтөнләйгә хушлашырға мәжбүр була. Һуңғы һулышында:
– Әй, Хоҙайым, тағы ун йыл йәшәрһең тигәйнең дә баһа! – ти.
– Шулайын шулай ҙа, бөтәһенә лә һин үҙең ғәйепле. Пластик операциянан һуң һеҙ ныҡ йәшәреп киткәнһегеҙ. Мин һеҙҙе таныманым шул.

Л. ШАЯНОВА.

Һүрәт: www.pinterest.ru