-26 °С
Болотло
75 лет Победы
Бөтә яңылыҡтар
Туҡтауһыҙ көләм
18 Февраль , 11:00

Мәрәкәләр

Кефир Уҙған аҙнала коллегабыҙ эшкә килеп, өҫтәле артына ултырыр-ултырмаҫтан мыжырға тотондо:

Мәрәкәләр
Мәрәкәләр

– Беләһегеҙме, кефир һатып алғас, сумкаға һалғайным, троллейбуста уны кемдер сәлдергән! Шуның менән тамағым туйыр тип уйланымы икән? Тамағына таш булып барғыры!
– Бәлки, аҡса эҙләгәндер?
– Белгән кеүек янсыҡты куртка кеҫәһенә һалғайным, телефон менән бергә.
Беҙ тотош коллектив менән кефир­һыҙ тороп ҡалған коллега­быҙҙың ҡайғыһын уртаҡлаштыҡ, уға ҡушылып бурҙарҙы һүктек. Уларҙың да тормошо ауырҙыр, күрәһең, юҡһа, абруй­ҙарын төшөрөп, транспортта кефир урламаҫтар ине.
Ике көндән һуң, коллегабыҙ төшкө ашын алырға сумкаһына тығылғас, йәнә телгә килде:
– Беләһегеҙме, кефирҙы сәлдермә­гәндәр, сумкамдың төбөндә ятҡан.
Беҙ ауыҙы ҡолаҡтарына тиклем йырылған ҡатынға ҡарап ни иларға, ни көлөргә белмәнек.

Телеграмма

Мәжит шифаханала ял иткән Мәликәне вокзалда ҡаршы ала. Өйгә ҡайтҡас, ул өҫтәлдә ятҡан телеграмманы алып, ҡатынының танауы аҫтында һелкә:
– Уҡы!
Мәликә уҡый: “Мәжит, иртәгә ҡайтам, 15.40-та ҡаршы ал. Һинең яратҡан Мәликәң”.
Ир:
– Һин ни өсөн “Һинең яратҡан Мәликәң” тип яҙҙың?
Ҡатын телеграммаға шикләнеп ҡарап бышылдап һорай:
– Нимә, хәҙер яратҡан түгелме ни?
Мәжит:
– Иҫәр! Һин өс һүҙ өсөн артыҡ аҡса түләгәнһең!

Т. ҒАТИНА.

Автор:"ҺӘНӘК" журналы
Читайте нас в