

“Бомба янына бер кемде лә яҡын ебәрмәгеҙ, иртән саперҙар килер, барыһын да эшләрҙәр”, – тиҙәр ҡаланан. Хакимиәт башлығы участковыйҙы саҡырта.
– Роман, бомба өсөн башың менән яуап бирәсәкһең!
Иртән хакимиәт башлығы кабинетына төҫө ҡасҡан бухгалтер ҡатын инә.
– Роман төнө буйы баҫыуҙа һерәйеп тормаҫ өсөн кистән бомбаны өйгә алып ҡайтҡайны, иртән иртүк урынына илтеп ҡуйырға теләгәйне...
– Теләгәйне?.. Алып барманымы ни?.. – Хакимиәт башлығы ағарына.
– Улай уҡ түгел, һеҙ иртән ашығыс планерка йыйҙығыҙ, ул бомба менән бында килде...
А. ЯҠШЫҒОЛОВ.