– Ниңә Ғимран бабай ике көн байрам итә? – тип һораным атайымдан.
– Беҙ баш төҙәтәбеҙ, – тине атайым.
Шунан башлап “баш төҙәтеү” миңә байрамды икенсе көндә лә дауам итеү булып аңлашылды.
Балалар баҡсаһындағы сығарылыш кисәһендә миңә лә һүҙ бирҙеләр.
– Байрам миңә ныҡ оҡшаны, – тинем мин, – иртәгә баш төҙәтергә килербеҙ.
Тәрбиәселәр ҙә, ата-әсәләр ҙә шаҡ ҡатты, тик атайым ғына ауыҙын йырып көлдө.