Ике ир маҡтана.
– Минең өйҙә бөтә нәмә автоматлаштырылған, - ти береһе.
– Ә минең өйҙә – Японияла етештерелгән робот. Бөтә нәмәне лә эшләй. Хатта мин юҡта түшәктә лә алмаштыра, - ти икенсеһе.
–Ҡайҙан беләһең?
-Кәләш ауырға ҡалды.
***
Магазинда практика үтеүсе егет – өлкән һатыусыға:
– Һеҙ юҡта мин бер пар ботинка һаттым. Тик ул кеше аҡсаһын иртәгә килтерәсәк.
– Шулай итмәй ни, - тип асыулана һатыусы.- Хәҙер ул кеше бер ҡасан да беҙҙең магазинға килмәйәсәк.
– Киләсәк, – ти эре генә практикант, - мин бит уға ботинканың икеһен дә бер аяҡтыҡын бирҙем…
***
– Ҡәҙерлем, тыуған көнөңә нимә бүләк итәйем?
– Ой... Әлләсе... Ҡапыл ғына нимә әйтергә лә белмәйем.
– Улайһа һиңә яҡшылап уйлау өсөн тағы ла бер йыл ваҡыт бирәм.
***
Әгәр фатирығыҙға йылы биреүҙе туҡтатһалар, мөйөшкә баҫығыҙ – унда һәр ваҡыт 90 градус.
***
Нисек кенә тырышып эшләһәң дә, һинән аҙыраҡ эшләп, күберәк аҡса алыусы табыла барыбер.
***
Студент егет дискотекала бейеп йөрөгәндә һушын юйып, йығылып китә.
– Һыу! Һыу килтерегеҙ! – тип ҡысҡыра бер ҡыҙ.
Тиҙ генә һыу алып килеп, стаканды егеттең ауыҙына терәйҙәр. Егет әкрен генә күҙен асып, һыу йота ла:
– Аҙ ғына икмәк тә бирегеҙ әле, – ти.
** *
Ир тәртипһеҙ бесәйенән туйып, уны аҙаштырмаҡсы була. Моҡсайына һалып ала ла, урманға китә. Биш сәғәт тирәһе ваҡыт үткәс, ул ҡатынына шылтырата:
– Бесәй ҡайттымы?
– Ике сәғәт элек үк.
– Телефонға саҡыр әле. Мин аҙаштым...
***
Дәүләт Думаһы яңы закондар ҡабул иткән:
Йөрөтөү таныҡлығы булмайынса руль артына ултырһаң – 2000 һум штраф.
Аҡсаһыҙ руль артына ултырһаң – 4000 һум штраф.