-2 °С
Болотло
Бөтә яңылыҡтар
Туҡтауһыҙ көләм
20 Декабрь 2025, 14:40
Танһыҡҡа тары бутҡаһы ла килешә…
Борон-борондан динебеҙ ҡанундары буйынса ғүмер иткән халҡыбыҙҙа килен кеше иренең ир туғандары, айырыуса ҡайныһы, ҡайнағалары алдында үҙен бик тә әҙәпле тоторға тейеш булғанын беләбеҙ. Ябайлаштырып әйткәндә, улар алдында «эйе», «юҡ»тан башҡа әллә ни артыҡ һүҙ ҙә һөйләү килешмәгән. Ә ҡайнағаларына хатта күтәрелеп тә ҡарарға ярамаған… Гүзәлдәребеҙҙә шундай юғары әҙәплелек хөкөм һөргән дәүерҙә арабыҙҙа мәҙәк тип ҡабул ителгән бер хәлде һөйләй торғайнылар.
Танһыҡҡа тары бутҡаһы ла килешә…
Танһыҡбикә исемле килене тары бутҡаһы бешергәс, ҡайныһы, уны-быны уйлап тормай, «танһыҡҡа тары бутҡаһы ла ярай инде ул» тип, халыҡ әйтемен ҡулланып, ихлас ҡына һөйләнә-һөйләнә ашай башлаған имеш. Бындай әйтемде ни өсөндөр электән ишетмәгән-белмәгән, әммә, һәр һүҙгә яуабы «кеҫәһендә генә» йөрөгән Танһыҡбикә килен: «Ярпылдап ултырған Ярулла ҡартҡа ла килешә ул» тип ысҡындырған…
Килен менән ҡайны араһында яңылыш килеп сыҡҡан шундайыраҡ ҡайһы бер көлкөлө хәлдәр беҙҙең дәүерҙә лә булғылап тора.
Хәлил ҺӨЙӨНДӨКОВ.
Новости партнеров