-1 °С
Ҡар
Бөтә яңылыҡтар
Туҡтауһыҙ көләм
4 Март , 14:25
"Кем килде тиһең?"
Мәҙәк хәл Бер ғаиләгә ҡунаҡ килеп төшкән. Былар көндөҙ ҡунаҡтары менән мәж килеп, уларҙы оҙатып, төнләп китһә лә мунса төшөп ятырға булған. Ҡатыны мунсаға алданыраҡ киткән. Ҡараһа, һыуыҡ һыу аҙ, ти. Арттан килгән иренә: "Бар йылғанан ике биҙрә һыу алып кил инде, тик бисмилла әйтеп ал, төн бит", - тигән. Йылға мунса артында ғына.
"Кем килде тиһең?"
Ир кеше: "Бисмилаһир-рахманир-рәхим. Ҡунаҡтар килеп, мунса төшөргө һуңлап киттек, ғәфү ит инде, төндә һыу алғанға..."-тип йылғанан үҙенсә рөхсәт һорап бер биҙрә һыу алыуы булған, эргәһендә генә: "Кем килде тиһең?" -тигән тауыш ишетелгән. Ҡото осҡан ир һыңар биҙрә һыуын түгә-сәсә мунсаға ҡарай сапҡан. Икенсе көндө урамда осраған күршеһенә ошо хәл тураһында һөйләй башлаған икән, "Унда беҙ Фәлән ҡорҙаш менән бер аҡбашты бушатып ултыра инек бит..."- һыны ҡатып көлгән, ти, тегеһе.
Гөлдәр.
Новости партнеров