-5 °С
Ҡар
Бөтә яңылыҡтар
Яңы "Һәнәк"!
21 Май 2018, 12:58
Ҡара! Ҡара! "Һәнәк"тең май номеры!
Был һанда:Парикмахер булып эшләүсе ҡыҙ менән осрашыуыма өс йыл. Сәсемде алдырырға икенсе парикмахерға йөрөйөм.
– Беләһеңме, мин күптән түгел ябай бер нәмәне аңланым: һиңә нисә йәш булыуы мөһим түгел, осоп үтеп барыусы самолет геүләүен ишеткәс, һин барыбер күккә ҡарайһың.
* * *
Бөтә йондоҙҙарҙы ла йыһанға ебәрергә ине, ер яҡтырып ҡалыр ине.
* * *
Баҡтиһәң, электроника һатыусылар көн һайын тиерлек үҙҙәренә телевизор, компьютер, һанлы камера һәм DBD-уйнатҡыстарҙың яңы моделдәрен һатып ала икән.
Сантехника һатыусылар үҙҙәренең смеситель, ванна һәм унитаздарын даими алмаштыра.
Ә медицина препараттары һатыусыларҙың бөтә туған-тыумасалары һәм күршеләре – ауырыу.
* * *
– Ишеттеңме, балет театры артисын сәхнәлә икенсе бейеүсе менән бәрелешкәс, дауаханаға һалғандар.
– Мин ундағы сәхнәгә юл хәрәкәттәре ҡағиҙәләрен индерергә кәрәк тип әллә ҡасан әйттем.
* * *
Самолет кабинаһы ишеге асыла.
– Хәйерле көн, әфәнделәр һәм ханымдар! Мин ошо самолеттың икенсе пилоты. Беҙҙең беренсе пилоттың ҡайҙа икәнен берәйегеҙ белмәйме?
* * *
Атаһынан лицейҙарҙы элек ПТУ тип йөрөткәндәрен белгәс, Ирек иншаһында “Пушкин алты йыл ваҡытын Царскосельский ПТУ-ыһында үткәргән” тип яҙған.
* * *
Ятаҡҡа ҡайтҡас, студент ҡыҙ бүлмәләшенең илап шешенеп бөткәнен күрә.
– Ни булды, ниңә илайһың?
– Беләһеңме, мин атай менән әсәйҙән компьютер алырға аҡса һорағайным.
– Баш тарттылармы?
– Унан да яманыраҡ! Компьютер ебәргәндәр.
* * *
Парикмахер булып эшләүсе ҡыҙ менән осрашыуыма өс йыл. Сәсемде алдырырға икенсе парикмахерға йөрөйөм.
* * *
Иртән йүгерә башларға булдым әле, ләкин көҙ тубыҡтан бысраҡ, ҡыш һалҡын битте семетә, яҙ еүеш, йәй түҙеп торғоһоҙ эҫе.
* * *
– Официант, ҡәһүә һалҡын.
– Мине иҫкәрткәнегеҙ өсөн ҙур рәхмәт! Һалҡын ҡәһүә ун һумға ҡиммәтерәк.
* * *
–Доктор, һул ҡолағым насар ишетә.
– Ни эшләйһең, ҡартлыҡ.
– Нимә, минең һул ҡолағым уңынан ҡартыраҡмы ни?!
* * *
Студенттар фән гранитын кимерә, ә уҡытыусылдар уны уларға сәйнәп бирә.
* * *
Ҡатын такси туҡтата.
– Бала табыу йортона. Ул ҡәҙәр ҡыумаһағыҙ ҙа була, мин унда эшләйем.
* * *
Тегенселә.
– Миңә һөтлө ҡәһүә төҫөндәге костюм тегегеҙ.
– Шәкәр менәнме, әллә шәкәрһеҙме?
* * *
– Этегеҙҙе тыйығыҙ! Кисә ул олой башлағас, ҡыҙым йыр дәресен туҡтатырға мәжбүр булды.
– Ғәфү ит, күрше, ләкин ҡыҙың беренсе булып йырлай башланы.
* * *
– Минең улым тыуҙы!
– Ҡотлайым! Ҡатының нисек?
– Белһә… йәнемде аласаҡ!
* * *
– Ҡәҙерлем, һин ҡайҙа?
– Автобус көтәм.
– Ашыҡ.
– Ярай, автобусты ашығыбыраҡ көтөрмөн.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60